W krzŏkach

Coby niy lŏtać naôbkoło, do rŏboty dziynnie pylōm bez sroge krzŏki. A ôd kedy zaczli robić DTŚ-ka, ta moja cesta je już blank przesmolonŏ: chneda niy poradza przelyź bez te hamozie i harpyńci. Idzie sam trefić potrzaskane flaszki, kipy z cygaretōw, popuczōne biksy z piwa, a rŏz widziołech tyż leżeć strōna z chopym po nagu, kery wrażoł swoigo pulŏka inkszemu chopowi (ciykawe, co tej szkartki na drugi dziyń już niy bôło, a flaszki i biksy durś leżōm).

Pŏra dni nazŏt znalŏzłech ale co lepszego:

wkrzokach

wkrzokach2I fto mi powiy, po jakimu ôroz, we 2013 roku, we Gliwicach, kajś w trŏwie trefiōm kōnsek starygo, nimieckigo cajtōnga? Wiela ôn sam leży? Ftoś go wyciepôł? Nale czymu terŏz, czymu tukej? Fajne, pra?

Tak po prŏwdzie to musi to być fałesznŏ archeologijŏ abo inkszŏ manipulacyjŏ. Przeca kŏżdy wiy, co Ślōnsk je dycki polski!

Reklamy