Intel Extreme Masters

iem

Kej czowiyk prziłazi ku tymu, iże Spodek niy ma taki srogi.

Dziwołech sie na tulma we Spodku – IEM bez trzi dni skludzoł kole siedym a pōł tysiōnca ludzi dziynnie, pōłny Spodek. I medykowołech: zaś świat dōł znać, iże je trochã inkszy, jak sie go forsztelujã. I że ciynżko go pochytać, tak sie blysko roztomajtymi farbami.

Jestżech stary chop, kej sie rozchodzi ô szpilaniy. Chowŏłżech na Commodore C64 a szpilbudach ze fliperami przi tŏrgu. Niyskorzij bōły nowsze szpile, prŏwda, nale pŏrã lŏt do zadku ôstawiōłżech sie rychtyczne szpilaniy na zaś, „na pynzyjŏ”. Terŏzki ino rŏd zaglōndōm, co nowego zbajstlujōm na PC a kōnsole i zŏwiszczã tym, kerzi durś poradzōm znŏjś czas sie poszpilać.

Tōż ani żech niy wiedzioł, iże już mŏmy tyn etap rozwoju kōmputrowych szpilōw, że mŏżliwŏ je tako impreza. Że tysiōnce ludzi moge przijś, kibicować szpilerōm, zaglōndać na telebimy, jak pierōm sie bestyje fantasy, a mieć skuli tego szpas. Do piōntku miołżech take coś ino we szuflŏdce „nowiny ze świata”.

Mŏm nadziejã, iże niy ino jŏ widzã, co sie przi cŏłkij imprezie pokŏzało. Machery ôd kultury we Katowicach dostali sam lekcyjŏ, kerej grzych bydzie niy wykorzystać. Wejrzijcie sie: idzie narychtować event, na kery rade przidōm ludzie – tysiōnce ludzi, wiyncyj, jak je placu. Trza akuratnie przesztudiyrŏwać, wiela sam bōło roboty ôd korporacyje, wiela ôd ôrganizatorōw, wiela PR. Jak a kaj szły cesty promocyje. Wiela robi samo miano imprezy, jeji ranga. Co je interesantne do (modych, nale niy ino) ludzi. I jake jeszcze idzie znŏjś eventy, kere poradzōm to złōnaczyć.

Bez trzi dni mielimy sam rychtyk miasto wielkich wydarzeń. Fajnie, pra?

Reklamy

Ôstŏw kōmyntŏrz

Wprowadź swoje dane lub kliknij jedną z tych ikon, aby się zalogować:

Logo WordPress.com

Komentujesz korzystając z konta WordPress.com. Wyloguj / Zmień )

Zdjęcie z Twittera

Komentujesz korzystając z konta Twitter. Wyloguj / Zmień )

Zdjęcie na Facebooku

Komentujesz korzystając z konta Facebook. Wyloguj / Zmień )

Zdjęcie na Google+

Komentujesz korzystając z konta Google+. Wyloguj / Zmień )

Connecting to %s