3 sekundy Ślōnska we Polsce

baginski

Abo wiela Ślōnsk mŏ placu we polskij gyszichcie wedle filmu na Expo 2010?

Hejdla spōmniała mi ô „Animowanyj gyszichcie Polski” ôd Platige Image narychtowanej skiż expo 2010 w Szanghaju. Fajnistym filmie, kery rychtyk poradziōł reklamować Polska i bōł bezma hitym wystawy.

Klip je choby pila z polskōm gyszichtōm, beztōż idzie sie sam ôbŏczyć, wiela w tyj pile (to je we świadōmości historycznyj Polŏkōw) je placu na Ślōnsk.

Wiela? Gynał 3 sekundy. Puście sie film i filujcie na minutã 5:42 . Rŏz – dwa – trzi. Tela!

3 sekundy, w kerych je wszysko, co ô Ślōnsku wiy Polŏk. Przeca to je regiōn, kery prziszeł nazot i je tajlōm Polski, pra? Istny Ślōnsk: czŏrny, z kōminami. GOP, wōngel a huty. I szlus – ô czym sam jeszcze ôsprawiać?

Ni ma co sie gorszyć. Trza sie ino spamiyntać, iże tela – i ino tela! – Polŏki wiedzōm ô Gōrnym Ślōnsku.

Je to przidajne, jak sie ftoś biere do tuplikowaniŏ roztomajtych autonōmijōw, II/III volkslistōw, Zgody, pruskij, habsburskij abo czeskij prehistorie, cŏłkigo miszungu z ex-pogranicza. Do ańfachowego Polŏka (a po prŏwdzie tyż do mocki Ślōnzŏkōw, bo wszyscy my sōm Polŏkami, kej sie rozchodzi ô edukacyjŏ) to je nowe i wadzi sie z ôbrŏzym świata we gowie.

No ja. Zŏwiszczã „Animowanyj gyszichty…”; Ślōnzek gibko sie takigo filmu ô sia niy dorobi.

Reklamy

2 myśli na temat “3 sekundy Ślōnska we Polsce

Ôstŏw kōmyntŏrz

Wprowadź swoje dane lub kliknij jedną z tych ikon, aby się zalogować:

Logo WordPress.com

Komentujesz korzystając z konta WordPress.com. Wyloguj / Zmień )

Zdjęcie z Twittera

Komentujesz korzystając z konta Twitter. Wyloguj / Zmień )

Zdjęcie na Facebooku

Komentujesz korzystając z konta Facebook. Wyloguj / Zmień )

Zdjęcie na Google+

Komentujesz korzystając z konta Google+. Wyloguj / Zmień )

Connecting to %s