Jest taki cajtōng…

…w kerym „ciule”, „gorole” i „sorōnie” furgajōm durś a ciōngle. Wiycie, robota redachtorōw to jest filować, kogo sam jeszcze idzie sprzezywać, pra?

… kerego by niy bōło, jakby niy szło wajać na Polŏkōw (przebŏczcie – „Poltōniōw”), co z nŏs – Ślōnzŏkōw – zrobiyli niywolnikōw, wycyckali nŏm hajmat, sztyjc planujōm, jakby nŏs zeszterować a pognymbić.  A my, boroki, nikaj niy mogymy znojś retōnku, nic skuli tego niy poradzymy złōnaczyć. A tak po prŏwdzie to wiycie, „gorole raus”…

… kery rŏd mŏ knefle ctrl-c i ctrl-v, coby we kŏżdyj nōmerze szło pedzieć, jaki ślabikŏrzowy szrajbōnek je felerny, nikt go niy chce, nikt ani niy poradzi poczytać i nadŏwo sie ino na wyciep.

… kery przezywŏ niysamowicie  na wszyjskich, co miyszajōm ślōnski i polski słowa. Psinco, iże w jednym artiklu autory poradzōm trzi razy skŏkać ze ślōnskigo na polski i nazŏt; to przeca nikōmu niy zawŏdzo.

… kery wyśmiywŏ wszyjskich, co ô gŏdce ôsprawiajōm po polsku, we artiklach naszkryflanych.. po polsku.

… kery mŏ jedyn, świynty muster ślōnskij gŏdki. Fto go niy znŏ, tyn gorol, ciul, poltōń abo chadra. Redachtōry radzi dŏwaliby cynzōrki „istny abo istnŏ poradzi gŏdać po ślōnsku”. Fto by ji niy dostŏł, tyn niy ma prawy Ślōnzŏk i niy śmiy pedzieć ani słowa po ślōnsku.

… kery niyrŏd mŏ „ō”, nale fest przaje „ů”. Przeca kŏzdy wiy, iże kryska i kōłko to je cosik naprŏwdã ôszkliwego, a zaś kōłko i hŏczyk sōm cycuś glancuś.

„Ślōnski Cajtōng”. Kupujã go kŏżdy miysiōnc.

Reklamy

7 myśli na temat “Jest taki cajtōng…

  1. Czytałeś może moją recenzję tegoż :D? I jeszcze jedno- miesiąc temu kupiłam sobie, bo nie było co czytać i znalazłam tam kwiotka: w dwóch rubrykach był ten sam tekst. Skopiowany. Masakra…
    Nie wszystko co „Śląskie” jest dobre. Trzeba myśleć dobierając sobie lektury, prasę. Gorzej, że to wszystko negatywnie wpływa na śląski PR :).
    http://za-staryj-piyrwy.blogspot.com/2012_02_01_archive.html#!/2012/02/takie-tam-dyrdymay-o-prasie-slaskiej.html

  2. Ja, czytołech.

    Wiysz – jaki by niy bōł, Cajtōng jest po ślōnsku. A tekstōw ślōnskich niy ma wiela, tōż werci sie poczytać. Ino żŏl, że aże kidŏ ôd jadu, przezywaniŏ i wajaniŏ,

    A ślōnski PR – zdŏwo mi sie, że moglibymy dać se pokōj z filowaniym, jak nŏs widzōm inksi, wyciepać Polokōw-obserwatorōw z gowy (ino tam, u nŏs we gowach se siedzōm!) i ańfachowo robić swoja robotã. Ze zaglōndaniŏ durś na inkszych PR-u niy przibywŏ.

    Ô wydawcy: dej pokōj, bo przezywŏsz gynał jak we Cajtōngu ;)

  3. :) Masz rację, tekstów jest mało. To ja wolę się przejść i posłuchać jak ludzie mówią, bo często mówią po śląsku ciekawsze i mądrzejsze rzeczy niż tam można przeczytać. Z resztą czytałeś Szpaka? Ponoć napisał fantasy po śląsku. Czy się mylę?

  4. Piyknie Hyjdla napisała ” Nie wszystko co “Śląskie” jest dobre. Trzeba myśleć dobierając sobie lektury, prasę. Gorzej, że to wszystko negatywnie wpływa na śląski PR :) ” łona mo gynał recht żol ino że niy mogła coś naszkryflać ło ostatnich wypocinach rechtora Ojgyna z Pnioków co jest trzi razy lepszy od redaktora Ślonskiego Cajtonga

  5. Wy chyba inakszy jak jo Cajtung czytocie. We moim „Ślunskim Cajtngu” je za tela historie Ślunska, o naszyj godce, kulturze. A ku tymu panie Szyma cyganicie! Dyrda durś pisze, co ni ma żodnego mustera zapisu ślunskij godki. I ten fto godo, iże taki muster je, tuż cygani. To nie on pado, że trza pisać wele mustera, inoś wy – ślabikorzowcy. Cajtung sie lacho – i mo recht – iże chop, kiery dowo abcybildry „godomy po ślunsku” som godać nie poradzi!
    Jo mom Cajtung ale rod, to je jedyno ślunsko gazeta. A wom panie zigi powiem tela: pogwarki Ojgena też wydoł Ślunski Cajtung”. I dejcie pozur, takom transkrycjom jak chcioł Ojgyn. Bez Cajtunga nie byłoby ani tyj ksiunżki Ojgyna, ani Historii Narodu Śląskiego (Jerczyńskigo). Cajtung robi kupa do ślunskij kultury i to ez dotacjuw!

Ôstŏw kōmyntŏrz

Wprowadź swoje dane lub kliknij jedną z tych ikon, aby się zalogować:

Logo WordPress.com

Komentujesz korzystając z konta WordPress.com. Wyloguj / Zmień )

Zdjęcie z Twittera

Komentujesz korzystając z konta Twitter. Wyloguj / Zmień )

Zdjęcie na Facebooku

Komentujesz korzystając z konta Facebook. Wyloguj / Zmień )

Zdjęcie na Google+

Komentujesz korzystając z konta Google+. Wyloguj / Zmień )

Connecting to %s